tvyal-ների հորիզոն

Այս շաբաթվա նյութը աշխատանքի ընթացքում պահանջեց հավելյալ աշխատաժամանակ, այդ իսկ պատճառով մեր թիմը որոշեց հետաձգել դրա հրապարակումը։

Նշեմ, որ մոտակա ամսվա ընթացքում մենք պլանավորում ենք ուսումնասիրել հետևյալ թեմաները.

1. Բենզինի գնի ուսումնասիրություն,
2. Երևանում և մարզերում բնակարանների գների ուսումնասիրություն և դրանց կանխատեսում,
3. ՀՀ արդյունաբերության ուսումնասիրություն ըստ ճյուղերի,
4. Կանդրադառնանք նաև գնաճի որոշ հատվածներին։

Սպասեք այս վերլուծություններին։

Ապագա պլաններ

Մեր թիմը նպատակադրված է առաջիկա տարվա ընթացքում հասնել հետևյալ նպատակներին.

1. tvyal.com հարթակը պլանավորում ենք դարձնել բոլոր հայկական (և ոչ միայն) տվյալների նորմալիզացված պորտալը, որտեղ հիմնականում անվճար նորմալիզացված տվյալներ հնարավոր կլինի ներբեռնել նաև API-ով, որը հետագայում հասանելի կլինի JS, Python, R և այլ լեզուների գրադարաններում։ Նշեմ, որ Armstat, CBA, cadastre.am և այլ պորտալների կողմից տրամադրվող տվյալները խառն են և չունեն ստանդարտիզացված կառուցվածք, տվյալներից շատերը PDF ֆորմատով են կամ ամսական տրվող առանձին աղյուսակներում, որոնք անհրաժեշտ է մաքրել և միավորել ժամանակային շարք ստանալու համար։ Բոլոր տվյալները պետք է ունենան նորմալիզացված, մաքուր տեսք, որտեղ.
   • յուրաքանչյուր փոփոխական կամ բնորոշիչ պետք է ներկայացված լինի սյունակում։
   • յուրաքանչյուր սյունակում պետք է ներկայացված լինեն մեկ տեսակի տվյալ կամ մեկ տեսակի չափման միավոր
   • յուրաքանչյուր տող պետք է լինի առանձին դիտարկում
   • յուրաքանչյուր արժեք պետք է ունենա իր սեփական տեղը

• Նշենք, որ tvyal.com հարթակն իր գործունեությամբ արդեն իսկ այդ տվյալներից շատերի ավտոմատիզացված ներբեռնումը, մաքրումը և նորմալիզացված տվյալների բազա ստեղծելը կատարել է։ Տվյալների 70-90 տոկոսը հարթակում անվճար է լինելու։

2. Պլանավորվում է շարունակել շաբաթական անվճար վերլուծությունները։ Սակայն ապագայում դրվելու է վերլուծության հիմնական մասը։ Որոշ զգայուն վերլուծություններ կամ վերլուծությունների ավելի խորը ներկայացումը վճարովի է լինելու։ Ամենայն հավանականությամբ գրանցումով ու ամսական վճարով, որը նաև ներառելու է նախորդ կետում նշած բոլոր տվյալներից API-ով օգտվելու հնարավորությունը։
3. Պլանների մեջ կա նաև փոխարժեքի տվյալների լիարժեք ներկայացումը։ Արդեն 6 ամիս է, ինչ մենք ավտոմատիզացված ստանում ենք այդ տվյալները։ Պլանավորվում է գրաֆիկական ներկայացում դնել փոխարժեքի վերջին բոլոր տվյալների։

4. Պլանավորվում է մեծացնել ստորաբաժանումը, որը զբաղված կլինի հայկական ու այլ պետությունների կազմակերպությունների տվյալների մշակմամբ, համակարգմամբ, դրանցից արժեք քաղելով, ավտոմատիզացմամբ, կանխատեսմամբ և այլն։

Այս ամենի համար անհրաժեշտ է tvyal.com կայքը զրոյից հավաքել, քանզի այն համակարգը որով այն հավաքած է արդեն սահմանափակ է մեր այսօրվա պահանջների համար։

Եթե այս ամենը հետաքրքրում է, ուզում եք աջակցել մեզ կամ կարծում եք, որ մեր թիմը ձեզ կարող է օգտակար լինել, ապա գրեք մեզ info@tvyal.com հասցեով:

Մինչ այդ կարող եք ծանոթանալ մեր նախորդ վերլուծություններին։

• Կապիտալի ներհոսքից մինչև արտահոսք. Հայաստանի տնտեսական հրաշքի ներքին խոհանոցը
• էլեկտրիկ Հայաստան. Ցանցի խոցելիությունից մինչև արևային հեռանկարներ
• Ոսկե Պատրանք. Հայաստանի արտահանման իրական պատկերը
• Հայաստան` Կովկասի վագր, թե՞ թանկ երազանք
• SOS ՀՀ ՏՏ. Վայրիվերում ոլորտում
• Դատարկ գրպաններ, բարձր աշխատավարձր
• Հայաստանը հարկում է ժամանակը. Խաղ տնտեսական աճի հետ
• Հայաստան` ռուսական ոսկու հանգրվան
• Պետական պարտքի ճոճանակ. Առաջին անգամ ներքին պարտքը գերազանցում է արտաքինը
• Սահմանից այն կողմ. Հայաստանի տուրիստական աճը և հնարավոր անկումը
• Վարկի տակ. Վարկավորման միտումները ըստ ճյուղերի
• Ոսկու տենդի շարունակություն. Հայաստանի արտահանման 75%-ը ոսկի և ադամանդ է
• Հայաստանի հյուրընկալության սառչում. Ծառայությունների արտահանման ուսումնասիրություն
• Հայաստանում 2 մլն հայ 2100 թվականին
• Դրամի դրամա. Ինչո՞ւ է արժեզրկվում և արժևորվում դրամը
• 10 տարվա գյուղատնտեսության կոլափսը
• Մասնավոր աշխատատեղերի 76 տոկոսը Երևանում է
• Ամուր ընտանիք. հարուստ ընտանիք
• Հայաստանի “ավտոարտադրության” մահը
• Երևանը Մոսկվայից ավելի թանկ է
• Տնային տնտեսությունները աղքատացել են