Արդեն աշխատող համակարգեր

Առևտրի ոլորտ

Առևտրի ոլորտում ընկերության ամենահետաքրքիր և հաջողված լուծումներից մեկը կապված է հագուստի խանութների ցանցի հետ:

Վերլուծելով հավատարմության քարտերի և գործարքների պատմության տվյալները, մենք կարողացանք ավելացնել եկամտաբերությունը:

Այդ խանութների ցանցում գործարքների, ինչպես նաև հավատարմության քարտերի պատմությունը կուտակվում էր, բայց չէր օգտագործվում: Առկա էր խնդիր պարզելու, թե որ հաճախորդին ինչ առաջարկել և ինչպես վաճառել չվաճառվող ապրանքը:

Համակարգը տեղակայված է կազմակերպության սերվերի վրա և ամեն գիշեր արհեստական բանականությունն ինքնուրույն վերապատրաստվում է նոր գործարքների տվյալների վրա: Այս գործիքակազմը կիրառելի է ոչ միայն բարձր դասի հագուստի խանութում, այլև հավատարմության ծրագիր ունեցող ցանկացած խանութում:

Ներդրված է շքեղ դասի հագուստի ներկրողի մոտ:

Հաշվապահական ծառայությունների ոլորտ

Ավելի քան 1000 հաճախորդ սպասարկող հաշվապահական ընկերություններում հարկային հայտարարագրերի տվյալները մուտքագրվում են ձեռքով: Աշխատանքի ծավալն աճում է հաճախորդների թվին համաչափ, իսկ սխալի արդյունքում ընկերությունը ստիպված է տուգանք վճարել:

Մենք կառուցել ենք մի համակարգ, որն ամեն գիշեր ինքնուրույն կապ է հաստատում հարկային պորտալի հետ, մուտքագրում է տվյալները և կատարում հաշվարկները:

Մեր կառուցած համակարգի միջոցով այսօր 1000-ից ավելի կազմակերպության հայտարարագիր կազմվում է ինքնաշխատ, ամեն գիշեր: Ձեռքով մուտքագրման սխալները վերացել են: Ազատված ժամանակը՝ 2000 ժամ ամսական:

Ֆինանսական տվյալների և ներմուծման ոլորտ

Հայաստանի 80-ից ավելի ֆինանսական հաստատության փոխարժեքները մեր կողմից հավաքվում և թարմացվում են ամեն 15 րոպեն մեկ: Մեր գործիքը միակն է շուկայում, որը ցույց է տալիս տվյալների դինամիկան:

Նույն մոտեցումն աշխատում է ցանկացած տվյալի վրա՝ վաճառք, պահեստավորված ապրանքներ, ֆինանսական ցուցանիշներ:

Շինարարության և անշարժ գույքի ոլորտ

Այս գործիքը թույլ է տալիս Երևանի և մարզերի քարտեզի վրա վերլուծել, թե որ գոտիներն են թանկանում և որոնք՝ էժանանում, յուրաքանչյուր տարածքի 24-ամսյա գնային կանխատեսումով: Այս գործիքը թույլ է տալիս պարզել, թե որ գոտիները կլինեն եկամտաբեր Հայաստանում, իսկ որոնք ո՛չ:

Աշխատավարձի հաշվիչը ՀՀ վիճակագրական կոմիտեի տվյալների հիման վրա մոդելավորում է աշխատավարձերի բաշխումը 19 ոլորտում՝ լրիվ հարկային հաշվարկով: Նույն մոտեցումը կիրառելի է ընկերության ներքին կադրային վերլուծության համար: