Համակարգն ամեն գիշեր հավաքում է թվերը Ձեր հաշվապահական ծրագրից, CRM-ից կամ առցանց խանութից և կազմում հաշվետվությունները։ Առավոտյան դրանք արդեն Ձեր էկրանին են։ Թվերը ձեռքով այլևս ոչ ոք չի արտագրում, ուստի արտագրման սխալներն էլ վերանում են։
Հաշվետվությունը ցույց է տալիս, թե որ հաճախորդների և ապրանքների պատճառով են թվերը փոխվել, և ինչ է հավանաբար սպասվում հետագայում։ Օրինակ՝ վաճառքի կանխատեսում ըստ յուրաքանչյուր հաճախորդի, պաշարի ավելի ճշգրիտ կառավարում, գնագոյացման վերլուծություն։
Ինքնաթարմացվող էջ՝ tvyal.com/rate-ի նման, Ձեր սեփական թվերի վրա։ ↗ Բացել իրական օրինակը
Համակարգը միանում է Ձեր CRM-ին, հաշվապահական ծրագրին կամ առցանց խանութին և կատարում բարձրակարգ վերլուծաբանի աշխատանքը։ Ամեն գիշեր ուսումնասիրում է Ձեր վերջին վաճառքը, իսկ ամեն առավոտ թիմին ներկայացնում կոնկրետ քայլեր՝ որ հաճախորդին զանգել, ինչ պատվիրել, որտեղ շտկել գինը։ Անհրաժեշտության դեպքում համակարգն ինքն է կայացնում որոշումը։ Արդյունքները ստանում եք Telegram-ով կամ ինքնաթարմացվող էջով։
Մենք ունենք զգալի փորձառություն կազմակերպությունների անհատական տվյալների կարիքները ի կատար ածելու գործում։ Մեր կայքը և դրա գործառնական հնարավորությունները արդեն իսկ ցույց են տալիս, թե ինչ է հնարավոր իրականացնել։ Այս ամենը ստեղծված է նրա համար, որ պատկերացում կազմեք, թե Ձեր տվյալը ինչ ներուժ ունի։ Մեր փոխարժեքի գործիքը ամեն 15 րոպեն մեկ հավաքում է փոխարժեքները 80-ից ավելի հաստատությունից, իսկ աշխատավարձի հաշվիչը միակ գործիքն է, որը ցույց է տալիս, թե յուրաքանչյուր աշխատավարձ ինչ տեղ է զբաղեցնում Հայաստանի պաշտոնապես գրանցված աշխատողների շարքում։ Երկու էջն էլ թարմացվում են ինքնուրույն։ Նույն տեսակի թարմացում կառուցում ենք Ձեր բիզնեսի համար՝ Ձեր սեփական տվյալների վրա։
Շուկայում առկա գործիքները կարող են չբավարարել Ձեր ուրույն պահանջները։ Դժվար է արագ և պրոֆեսիոնալ կերպով ստանալ այն յուրահատուկ գործիքը, որը անհրաժեշտ է Ձեր բիզնեսի համար։ Դուք կապ եք հաստատելու կազմակերպության հետ, որը կառուցել է այստեղ ներկայացված համակարգերը և վերլուծությունները։ Մեր թիմը ցույց է տալու Ձեզ այն հրաշքները, որոնք կարելի է իրականացնել Ձեր տվյալների հետ։ Դուք չեք շփվելու բարդ մենեջմենթի կամ սկսնակների հետ։ Առաջին անվճար հանդիպումից հետո մենք կտրամադրենք Ձեզ գրավոր եզրակացություն՝ ինչն է հնարավոր, որքան ժամանակ է պահանջվում և ինչ արժե։ Պատրաստի համակարգը հանձնվում է փաստաթղթավորմամբ։
Բեռնվում է ցուցադրությունը...